Ísl.nafn Latn.nafn.	Uppruni söluplantna, og frænúmeri ef til er.	Stutt lýsing tegundar, og ýmsar umsagnir.
Gráölur Alnus incana	Starbrannen og Sauherad Noregi.	Sjá mynd.
Birki - Ilmbjörk Betula pubescens	1. Fræi safnað af völdudum trjá í þingeyjarsíslu (Dalsminni og í Aðaldal). 2. og safnað af völdum trám hér í stöðinni. (uppruni Bæjarst. og Vagglir.)	Birkið Þarf góðan jarðveg, og aðstæður, til að það nái einhverri hæð, en getur vaxið næstum hvar sem er. Hæsti birkilundur og enn, sá vöxtulegasti hér nálægt, er í Vaðlareit.
Alaskaösp Populus trichocarpa          Uppseld 4. júní 2010.	Gautsstaðareitur. uppr.Moose pass Alaska. Úr söfnun 1951.	Verður stórvaxin , yfir 30 m. í heymkynnum sínum. Fljótvaxin víða. Kann sérlega vel við sig á Akureyri og þroskar þar oft fræ, sem hefur verið sáð hér til prufu, og nokkrar plöntur hafa verið gróðursettar(Venjulega er öspinni fjölgað með græðlingum.). En Alaskaöspin á erfiðara á útnesjum og hærra frá sjó. Er varla æskileg í minni garða vegna stærðar og ágengni, á veðursælli stöðum. Hefur náð allt að 20 m. hér á landi.
Reyniviður Ilmreynir Sorbus aucuparia Uppseldur 4. júní 2010.En er til í 35 gata skógarplöntubökkum.	Fræi var safnað af góðum trjám á Akureyri.	Evrópa og Asía 10 til 20 m. hátt tré. Vex villtur í skóglendi hér á landi. Eitt hið skrautlegasta og fegursta garðtré sem völ er á. Hvít, ilmandi blóm í júní, júlí og rauð ber á haustin. Harðgerður víðast. Sjá aðrar Reynitegundir á runnasíðu
Heggur Prunus padus	Græðlingum safnað hér á svæðinu.	Uppruni Evrópa, N.Asía, Japan. Tré eða runni, oft margstofna, 2 til 10 m. á hæð. Hvít blóm í hangandi klösum.. Blómstrar um miðjan júní.. Skuggþolin og harðgerður víðast hvar. En kelur stundum svolítið á unga aldri. Sjá aðrar Heggtegundir á runnasíðu
Rússalerki Larix sukaczewii	Hvæmi. Lassinmaa.	Uppruni Vestur hluti Síberíu og Finnland. Ein mest notaða trjátegundin í skógrækt á Íslandi. Hæstu trén eru að verða um 20 m. Þrífst betur í lítið grónu landi.
Rauðgreni Picea abies	Hemnes Nordland Noregi	Uppruni norður hluti Evrópu og Í fjöllum mið Evrópu. Nær allt að 50 m. hæð í sínum heimkynnum. Vex best í sæmilega frjósömu landi, fjarri sjó. Er í görðum á Akureyri og víða í skógræktarreitum landsins, og hefur náð all mikilli hæð. Notað sem jólatré hér á landi og víða í Evrópu.
Blágreni Picea engelmanni	S.Fe Arizona.	Uppruni norðvesturhluti norður Ameríku. Nær sömu hæð í sínum heimahögum og Rauðgreni, en vex hægar. Ein harðgerðasta grenitegundin a.m.kosti ef ekki gætir sjávarseltu. Er víða í skógarreitum og görðum.
Sitkagreni Picea sitchensis	Seward Alaska.	Vesturströnd N. Ameríku. Nær mestri hæð allra grenitegunda, allt að 85 m. í heimkynnum. Þolir sjávarseltu betur en annað greni, og eitt það harðgerðasta. Lang mest ræktaða grenitegundin hér á landi. Skemmist þó stundum í vorfrostum, á unga aldri.
Broddfura Pinus aristata (Smáar plöntur 10 til 20 cm.)	Fræi sennilega safnað í Listigarði Ak. 2005	Uppruni í fjöllum Colorado, N.Mexíko. Hægvaxta tré, stundum margstofna runni. Plöntur sem plantað var á Hallormstað 1903 hafa náð allt að 10 m. Hefur reynst mjög harðgerð.
Bergfura Pinus uncinata	Vesturhluti Evrópu aðalega Í Pyreneafjöllum.	Einstofna tré eða margstofna runni. Er til víða frá fyrstu árum skógræktar hér á landi. Harðgerð.